Ahhhhh.....pemerinsa nadai nyak alah sebut. Dini-dini pan merinsa meh pengidup kitai. Enti kitai nda kala nyepi pemerinsa, nadai "ümph" pengidup kita di dunya tuk. Semuanya begantung kati gaya kitai empu "manage" pemerinsa nyak. Baka aku tuk, lembau amat ka betusi ke pemerinsa idup diri. Awak ka naka tuk aja aku besebut ke senentang pemerinsa idup.....
Beduduk ari pengidup ti nda meruan baka urang bukai, diak aku bebendar deka ngangkat ke diri, ngambi ke ulih besemekih enggau urang bukai dalam pengidup serta pemansang diri. Aku enggai malik ke belakang agik, aku deka terus mansang ke moa-leju udah pedis.
Tiap peluang ke bisi serta ngecul ba moa aku, sigi aku kena enggau naka ulih. Enggai muai peluang ke bisi. Tak encadi amai-amai meh nyak. Enggai aku putih mata. Isa meh aku ningkap ngerayap ngeraup peluang ke ayan ba mata. "Anang kuak ngahap ke kami tuk belama, kami tuk mansang tuai setuai, adai pun kami ulih mantu kuak belama". Pia ko jako niang inda suba. Jako iya nya jadi ke peransang aku ngiga pengidup ke lebih menyana, awak ke diri nda terus idup dalam merinsa.
"Enti kuak enggai sekulah, di din kuak diau", keno ko apai, sambil nunjuk ke dapur, lebuh iya ninga aku madah ke diri enggai nyambung sekula agik. Tak angat amai asai pending lebuh ninga jaka apai munyi nyak. Asai ke runtuh dada ninga jako kelese apai nyak tadi.
Nyau kelama lama iya, baru aku madah deka nyambung sekula baru. Nyak pan setegal enggai ninga jako anu bala sida apai indai agik. Enti nitik ke ati, sigi tak lembau amai meh deka nurun sekula. Kati nda pia, urang buka bejalai, belanda kin kitu, tudah aku.....ahhhh....tak ngena kerusi roda nurun sekula. Suah ndar aku basah kuyu, nitik ai mata maia ke bekenang ke diri nyelaie ari urang bukai.
Enti lebuh deka birak kemi, tusah ndar ati aku, laban agu di sekula kami nadai bisi "access" kerusi roda. Suah ndar aku ndak nurun sekula enti lebuh perut meragam, enggai ke eksiden dalam kelas.....besambung.
No comments:
Post a Comment